- نجوم و فن

عضة كلب.. تطورات الحالة الصحية لـ رحمة حسن



مصر - نجوم و فن ..كشفت الفنانة رحمة حسن عن تطورات حالتها الصحية بعد تعرضها للهجوم مؤخرا من قبل كلب وعضها في منطقة حساسة وكتبت رحمة حسن عبر إنستجرام للأسف إحنا عملنا اللي علينا ومحصلش أي جديد... عضة كلب.. تطورات الحالة الصحية لـ رحمة حسن .. التفاصيل من المصدر جريدة الموجز في المدونة او الخبر التالي .


كشفت الفنانة رحمة حسن عن تطورات حالتها الصحية بعد تعرضها للهجوم مؤخرا من قبل كلب وعضها في منطقة حساسة.

وكتبت رحمة حسن عبر إنستجرام: "للأسف إحنا عملنا اللي علينا ومحصلش أي جديد بخصوص الكلب، وكل شوية تأجيل تأجيل بداية بأن مفيش مكان عاوز يقبل الكلب لأن سنه أربع سنين ونصف».

وتابعت رحمة: «لحد إن شاء الله بعد العيد نبقي نجيبله بس لسه مش عارفين امتى أنا حبيت بس أشارك معاكم اللي حصل، امبارح كانت آخر حقنة ليا وطبعا بكون بعدها تعبانة لمدة يومين ومن أسبوعين فاتوا بعد الحقنة الرابعة دخلت المستشفى بالليل لأني كنت تعبانة جدا بعدها».

وكانت قد كشفت الفنانة رحمة تطورات حالتها الصحية عبر حسابها بتطبيق إنستجرام بعد تعرضها لعضة كلب .

ونشرت رحمة صورة لها وعلقت عليها:"الصورة دي علشان أطمن الناس اللي سألت عليا، إن شاء الله ابقي كويسة واحدة واحدة".

وأضافت رحمة حسن: "أنا لسة بكمل الحقن وبغير على الجرح كل يوم بس الصورة دي علشان أطمن أصحابي وكل الناس الغاليين.. شكرا جدا.. ادعولي اني ابقي احسن حقيقي".

كشفت الفنانة رحمة حسن عن تعرضها للعض من قبل أحد الكلاب بالقرب من منزلها، وصدمتها من الحدث وتخوفها من القطط والكلاب بعد هذا الموقف.

وكتبت رحمة حسن عبر إنستجرام: "مساء الخير..امبارح الساعة 11 بالليل كنت نازلة اجيب حاجة من السوبر ماركت جمب البيت، وكنت ماشية علي الرصيف وكان في عربية بتركن جمبي عادي، فجأة الباب اتفتح ولقيت كلب (جيرمن شيبرد) تقريبا مَش متاكده اوي، بيهجم عليا بكل قوته، طبعا حاولت اجري لكن للأسف الكلب كان قوي وشرس ووقعني علي الأرض، حاولت اقوم واجري وصاحبته حاولت تشده، بس فك الليش بتاعه وعضني عضة كبيره وغويطة بنابه في منطقة حساسة، صاحبه الكلب كتر خيرها اخذتني فورا علي مستشفي امبابة ادوني حقنه تطعيم الكلب ولسه فاضلي ٤هاخدهم خلال شهر، بس المشكلة ان من امبارح الجرح بينزف دم كتير ،وانا طبعا خايفة ومصدومة".

واستطردت رحمة حسن: "تعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتأذى ويتعض ويتبهدل في الشارع زيي .. انا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه ، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مرة الكلب يعض حد ومع ذلك هي سايباه عادي في الشارع من غير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح، وصاحبه مسؤل مسؤلية كاملة عنه ويحاسب علي اهمال مسؤليته، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف".

وأوضحت رحمة حسن حالتها قائلة:" انا كنت بحب انزل احط اكل ومايه للكلاب والقطط تحت البيت ، دلوقتي انا حقيقي مرعوبة اقرب منهم وخايفه جدا.. انا اسفه طولت عليكم بس انا بجد مَش عارفه المفرود اعمل ايه عشان محدش تاني".



التفاصيل من المصدر - اضغط هنا

ونشير الى ان هذه هي تفاصيل عضة كلب.. تطورات الحالة الصحية لـ رحمة حسن نرجوا بأن نكون قد وفقنا بإعطائك التفاصيل والمعلومات الكامله .

علما ان فريق التحرير في صحافة نت الجديد بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.

متعلقات والاكثر مشاهدة في نجوم و فن



( صحافة نت الجديد )محرك بحث إخباري لا يتحمل أي مسؤولية قانونية عن المواد المنشورة فيه لانها لا تعبر عن رأي الموقع..
كافة الحقوق محفوظة لـ ( صحافة نت الجديد ) © 2021-2016.